السلام عليكم ورحمة الله وبركاته
عااااااد ،،، ما بدهاااااش ،،، يابو يعقوووب ،،،
أشوف موضوعك جذب الكثيرين من الزوار ،،،
وأنا اتفرج وأقرأ ،،، وما أقدر أصبر ،، الكل يحكي وأنا بس اللي أسمع
مايصييييير هيك ،،، لازم أحكي وأشارك ،،، وأعتذر من بنت عمكم
(بنت الجود) ،،، مرة ههنا ومرة هناك ،،
معليييش ،، يا بنت الجود ، زي مايقولون ، الحاوي كيسه مليان
ومتصفحك له عندي مواضيع كثيرة ،، وسأعود إليه لو وجدت فيه
من يشاركنا ويضيف إليه من كيسه ، لأن التشكيل حلو والتنويع مفيد ،
حكايتي لك يا (حزن النبلاء) ،، ولا يهونون الباقين ،،
عن ( قوس قزح )
هذا ،، الله يسلمكم كنا وحنا صغار نسميه (قوز قدح) ،، وما أدري ليش سموه كذا !!
كنا نعرف القوز هو كوم التراب المرتفع ،، يعني تقدرون تقولون (الطعس) !
وكنا نستمتع بمشاهدة قوس قزح في الأجواء الرائعة المعروفة بالطائف
كانت البنيات 
الصغيرات إذا شافن هذا المنظر البديع يرددن أنشودة قصيرة :
قوز قدح ،، طوِّل شعري ،،،،،
وصِّله لحد ( ...
... ) >>>>> يمكن عيب نقول الكلمة هاذي
وعشان تكون مفهومة للجميع يقصد بها 
المؤخرة ، يعني على وزن (شعري) ، وبس !!
أما أنا فحكايتي مع قوز قدح كانت حكااااية ،،
مرة شفته ،، ودفعني حب الاستطلاع أن أعرف من وين يطلع ؟؟؟
أكيد من الشارع اللي بعدنا بشارعين أو ثلاثة ،،
يالله ياولد تمشى 
شوي وتأكد ،،
انتقلت للشارع التالي ،،، الا وهو يتحرك ويبعد ،، كأنه راح لشارع أبعد
قلت أجري أسرع وأنتقل شارعين أو ثلاثة يمكن ألحقه ،،،
بس وين ؟؟ تقول كورة شايتها (بو شروان) 
،، القوز يبعد أكثر وأكثر !!
وأنا ما يئست إلى أن وصلت الشارع السابع في حي اليمانية ،، في نهايته
ووقفت على حافة وادي وج ،، حيث لا بيوت ولا مباني أخرى
إلا على الجانب الآخر من الوادي ،، والقوز العاصي يمد لي لسانه 
من خلف بيوت الشهداء الجنوبية (الحي المقابل) ،، ويقول 
الحقني لو كنت شاطر
كان ودي ،، ودي والله أمسكه وأسحبه إلى باب البيت وأربطه 
حتى ما يتحرك
من يمنا ،، وأخليه فرجة وعبرة لمن يعتبر 
،،
لكن كنت صغير جدا 
،، والذهاب إلى الشهداء الجنوبية لوحدي مخاطرة كبيرة
وقلت الأيام جاية يا قوز قدح ،، والمطر بالطايف ما ينقطع ،، ومصيري
في يوم أعرف أصلك وفصلك ،،،
ولم تنتهي محاولاتي ،، حتى وصلنا للمرحلة المتوسطة وعرفت المقصود
بألوان الطيف ،، التي يمثلها كنموذج طبيعي (قوس قزح) ،،
تحياتي
عمكم العود
العرض المتطور
